أنواع الرجال

[عربي]

يالله تعدّيهـا علـى خيـر وتصيـب
مـن حدّنـي أكتـب خمالـه وعيبـه
يبغى الصّراحه مابها شك ولا ريـب
باقولهـا والـنـاس كــلٍ وطيـبـه
الحـر ماينـفـع بلـيّـا مخالـيـب
والعقـل للرجّـال زيـنـه وهيـبـه
والسّالفـه ماهـي بلحيـة مواجيـب
كـلٍ علـى طبعـه يجيبـه حليـبـه
بعض المنابـت بالمراجـل عذاريـب
وبعض المنابـت للمراجـل خصيبـه
رجلٍ يبـي طاريـه عنـد الأشانيـب
ورجـلٍ يبـي طاريـه عنـد الحبيبـه
ورجلٍ يـودّي بالسواليـف ويجيـب
ورجـلٍ سواليفـه لفعـلـه تجيـبـه
ورجلٍ يغض الطّرف عن جارة صحيب
ورجلٍ عيونـه فـي محـارم صحيبـه
ورجلٍ تسـد بغيبتـه يومـه أيغيـب
ورجـلٍ ولا تقـدر تـسـد مغيـبـه
ورجل يغيب ويفقدونه هـل الطيـب
ورجلٍ ليامـن غـاب ماحـدٍ دري بـه
ورجلٍ تشوف بخوّته لـك مكاسيـب
ورجلٍ تشـوف بخوّتـه لـك غليبـه
ورجلٍ إذا أخطى يرى نفسه مصيـب
ورجـلٍ إذا إخطـى يراهـا مصيـبـه
قلت الصّراحه مابها شـك أو ريـب
كـلٍ علـى طبعـه يجيبـه حليـبـه
بهلـك مـا والله ملاقـيـن عـيـب
تاجٍ علـى روس المـرا جـل وهيبـه
إشره وشرّه كـان تبغـى المواجيـب
عط حـق تاخـذ حـق مابـه معيبـه



منقول



وتقبلوا ودي واحترامي